Velti á leið í bílprófið

Quenton Gann, táningur frá Harrisburg, höfuðborg Pennsylvaníu var langt kominn með að læra á bíl þegar hann velti á leið sinni í verklega prófið. Hann hefur verið að æfa sig að skipta um akreinar, leggja í stæði og beygja.

Quenton, sem er 16 ára, var ásamt frænda sínum á leið í prófið í lánsbíl þegar hann lenti á hálkubletti, missti stjórnina og velti bílnum.Bíllinn endaði á gangstétt á milli vegakeilu og raðhúss. Christina Sears, sem býr í raðhúsinu, var í makindum að borða morgunkorn þegar hún heyrði hvell. Christina sagði að kötturinn hennar hafi orðið svo hræddur þegar húsið tók að skjálfa að hárin á bakinu vísuðu öll upp.

Quenton og frændi hans komust frá óhappinu ómeiddir og Quenton hafði orð á því að þrátt fyrir óhappið að þá langaði hann samt að taka bílprófið. Hann ætlaði samt sem áður að láta móður sína taka ákvörðun um næsta skrefið.

• 4 blogg um fréttina

Bloggað um fréttina

• Halldór Sigurðsson: Og systir mín lenti í árekstri Í Bílprófinu
• Linda litla: Úfffff....... þetta er eitthvað svo ég.
• Halldór Þórðarson/dóritaxi: Velti á leið í bílprófið
• Billi bilaði: En hvað fékk kötturinn í morgunmat?