Óskarsverðlaunamyndirnar of ofbeldisfullar

Dagblað Páfagarðsins í Róm, L'Osservatore Romano, kvartaði sáran undan því að Hollywood hafi ákveðið að verðlauna kvikmyndir sem ættu það sammerkt að vera án vonar og fullar af ofbeldi á Óskaverðlaunahátíðinni sem fram fór í Los Angeles í nótt.

„Í ár heillaðist Hollywood af kvikmyndum sem eru fullar af ofbeldi og síðast en ekki síst án allrar vonar,“ segir í blaðinu, en greinarhöfundur er með orðum sínum að vísa til kvikmyndanna No Country for Old Men eftir Coen-bræðurna og There Will be Blood eftir by Paul Thomas Anderson.

Sem kunnugt er vann No Country for Old Men verðlaun sem besta mynd ársins á verðlaunahátíðinni í gær. Daniel Day-Lewis hlaut Óskarinn fyrir hlutverk sitt í kvikmyndinni There Will be Blood.

„Tímanna tákn? Líklega,“ skrifar blaðamaðurinn  Gaetano Vallini í Páfatíðindin. Hann fer hins vegar fögrum orðum um Juno, sem var einnig tilnefnd til verðlauna á hátíðinni, en myndin fjallar um táningsstúlku sem verður ófrísk og ákveður að eiga barnið.

• 2 blogg um fréttina

Bloggað um fréttina

• Ómar Ingi: Lítið ykkur nær
• Róbert Tómasson: Páfaraunir