Liggur í rúminu gegn greiðslu

Hollenskur námsmaður fær greitt fyrir að liggja í rúminu. Yde Van Deutekom er 22 ára frá Zoetermeer og selur hann auglýsingapláss á vefsíðu þar sem hægt er að sjá hann liggja uppi í rúmi í beinni útsendingu á vefmyndavél.

Þegar blaðamaður mbl.is leit inn hjá honum mátti sjá hann spila tölvuleik og lét fara vel um sig.

Van Deutekom hefur dvalið þrjár vikur í rúminu og þénað um 460 þúsund krónur á uppátækinu.

Á fréttavefnum Ananova.com segir Van Deutekom að svefn sé hans helsta áhugamál og það eina sem hann skari framúr í. „Allir eru að spyrja mig hvað ég vilji gera við líf mitt en ég vil í raun bara sofa."

Sagði Van Deutekom og bætti við að hann héldi sig í rúminu allan daginn nema þegar hann færi í sturtu, á salernið eða til að útbúa mat.

„Það er allt og sumt sem ég vil gera. Vera í rúminu uns ég verð mjög ríkur," sagði hann.

Ríflega 450 þúsund manns hafa heimsótt heimasíðuna hans, www.slapendrijk.nl

• 6 blogg um fréttina

Bloggað um fréttina

• Jóna Kolbrún Garðarsdóttir: Þetta gæti ég hugsað mér í eina eða tvær vikur.
• Guðjón Sigþór Jensson: Að vinna fyrir sér með því að hanga í rúminu
• Helga skjol: Púff þetta hlýtur að vera
• Agnes Ólöf Thorarensen: Hei....ég er alveg...
• Hvíti Riddarinn: Af hverju datt mér þetta ekki í hug?
• Gulli litli: Ekki....