Pilti meinað að hefja laganám

Átta ára piltur stóðst inntökupróf lagadeildar háskóla í Brasilíu en honum var meinað að hefja nám þar vegna þess að skólinn vill að drengurinn ljúki fyrst námi í grunnskóla og menntaskóla.

Faðir piltsins ætlar að höfða mál gegn háskólanum, að sögn dagblaðsins Correio Braziliense. „Ég ætla að nema lögfræði við háskólann. Það er ákveðið,“ hafði blaðið eftir drengnum.

Móðir hans sagði að hann væri ekki undrabarn en hefði fengið mjög örvandi uppeldi. Samtök brasilískra lögfræðinga sögðu að svo ungt barn hefði ekki átt að fá að taka inntökuprófið og skoruðu á brasilíska menntamálaráðuneytið að sjá til þess að slíkt gerðist ekki aftur.