Friðsælasti bær í heimi?

Eina ofbeldið sem tilkynnt var um í bænum Solund í Noregi í fyrra voru slagsmál tveggja hunda. Friðsældin í bænum er slík, að sýslumannskontórnum þar hefur verið lokað.

„Hér er svo lítið um afbrot að tilkynningar um þau komast fyrir á litlum minnismiða,“ hefur Aftenposten eftir Roar Brudevoll, eina lögreglumanninum í Solund.

Solund er á eynni Sula við mynni Sognfjarðar. Bæjarbúar eru um átta hundruð talsins.

Í fyrra voru einungis tilkynnt þar átta afbrot. Öll eru upplýst. Einungis var í einu tilviki um að ræða ofbeldi, og eins og að ofan greinir var þar um að ræða hund sem réðist á annan hund.

• 4 blogg um fréttina

Bloggað um fréttina

• Snorri Bergz: Friðsælasti bær í heimi?
• Halldór Þórðarson/dóritaxi: Friðsælasti bær í heimi?
• Jenný Anna Baldursdóttir: Leiðindabæli
• Gunnhildur Inga Rúnarsdóttir: Hvað leynist undir yfirborðinu....