Kassi af kampavíni á 50 þúsund evrur

Kampavín kostar yfirleitt skildinginn en mismikið þó. Á fimmtudag verður hins vegar heimsins dýrasta kampavín sett í sölu er kassar með tólf flöskum af kampavíni frá Pernod-Richard verða boðnir væntanlegum kaupendum á fimmtíu þúsund evrur, rúmar 5,4 milljónir króna. 

Vínið verður einungis í boði fyrir sérlega efnað fólk samkvæmt frétt AFP fréttastofunnar en það verður í sölu í Bandaríkjunum, Bretlandi, Frakklandi, Kína, Rússlandi, Japan og Sviss. Einungis um 100 manna hópi verður boðið upp á að kaupa vínið, samkvæmt upplýsingum frá Perrier. Hverjum og einum kaupanda verður boðið á fund með yfirmanni kampavínsframleiðslu félagsins en vínið er frá árinu 2000 og nefnist Belle Epoque champagne. 

Er þetta heldur dýrara kampavín en  Dom Perignon setti á markað árið 2005 en það kostaði 12 þúsund evrur þriggja lítra flaska.  

Pernod Ricard framleiðir kampavínin Mumm og Perrier-Jouet og er kampavínið sem nú fer í sölu undir merkjum Perrier-Jouet.

Alls voru fluttar út 150 milljón flöskur af kampavíni frá Frakklandi, heimalandi kampavínsins, á síðasta ári sem er 7,3% aukning frá árinu 2006.

• 4 blogg um fréttina

Bloggað um fréttina

• hofy sig: Eins gott...
• Ingimundur G. Níelsson: Hálf milljón til eða frá :)
• Hvíti Riddarinn: Heyrði ég Evrur?
• Ía Jóhannsdóttir: Kemur til með að renna ljúft niður