Alls ekki neitt fyndið!

Nokkr­ir brand­ar­ar um Vla­dímír Pútín Rúss­lands­for­seta og arf­taka hans, Dímítrí Med­vedev, voru fjar­lægðir þegar sýnd var upp­taka frá kvik­mynda­hátíðinni Níka í sjón­varpi í Moskvu á laug­ar­dag.

Víða um heim hafa frétta­skýrend­ur velt fyr­ir sér hvort Med­vedev verði raun­veru­leg­ur for­seti eða Pútín, sem studdi hann ákaft, muni áfram halda um valdataum­ana í reynd. Fram kem­ur í blaðinu Moskovskí Kom­so­molets að yf­ir­maður rúss­nesku kvik­mynda­aka­demí­unn­ar, Júlí Gúsm­an, hafi m.a. sagt að venju­lega væru flutt boð frá for­seta Rúss­lands á kvik­mynda­hátíðinni sem er eins kon­ar Óskar­sverðlauna­hátíð Rússa.

„Þar sem ljóst er að eng­inn virðist vita með vissu hver er for­seti getið þið litið svo á að ég flytji ykk­ur þau,“ sagði hann. Um­mæl­in voru fjar­lægð og sömu ör­lög hlaut stutt­mynd þar sem Pútín var sýnd­ur eins og keis­ari og Med­vedev sem son­ur hans.