Ætluðu að ræna kennaranum
Setja bókamerki
Hvað er til ráða þegar kennarinn er ekki nógu eftirlátur? Hópur níu ára gamalla barna í Georgíu í Bandaríkjunum ákvað að bregðast við með því að ræna kennaranum og misþyrma honum.
Börnin lögðu á ráðin í viku og tóku síðan dag einn með sér hníf, handjárn og límband. Í skólanum beið lögreglan hins vegar eftir þeim en skólafélagar barnanna höfðu kjaftað frá.
Talsmaður lögreglunnar segir, að börnin hafi ætlað að setja handjárn á kennarann, sem er kona, líma fyrir munn hennar, slá hana í höfuðið með bréfapressu og hugsanlega veita henni áverka með hnífi.
„Þetta var býsna nákvæm áætlun í ljósi þess að börnin eru ekki gömul," sagði talsmaðurinn.
Alls voru það níu börn sem tóku þátt í samsærinu og þeim hefur flestum verið vísað úr skólanum. Lögregla íhugar að ákæra þrjá herskáustu drengina.
Pútín reynir allt til að forðast aðra herkvaðningu
Ekki vandamál að vera karlmaður
Hentugt gos fyrst gýs á annað borð
Nýtt fangelsi í landi Stóra-Hrauns tilbúið 2028
Hótar Bretum og Bandaríkjamönnum
„Höfum sloppið bærilega með skaða af þessu gosi“
Dómur þyngdur um þrjú ár