Geldingar í fegrunartilgangi bannaðar
Setja bókamerki
Tælensk heilbrigðisyfirvöld hafa bannað sjúkrahúsum og heilsugæslustöðvum að gelda „stelpustráka“ vegna vaxandi ótta við útbreiðslu þeirrar skoðunar að slík aðgerð sé ódýr leið til að sniðganga kynskiptiaðgerð.
Formlegt bréf var sent til 16.000 einkarekinni heilbrigðisstöðva þar sem greint var frá að ef læknar framkvæma þessa aðgerð geti þeir átt von á allt að sex mánaða fangelsisvist. Hafi einstaklingar í hyggju að breyta um kyn þarf hann að sæta sálfræðimeðferð og einnig langrar meðferðar til að undirbúa líkamann undir breytinguna.
Starfsmaður hjá heilbrigðisstofnun í Tælandi segir að eftirgrennslan með svona athæfi sé mjög erfið þar sem svona aðgerð telst frekar einföld og auðvelt er að framkvæma hana í leynd. „Það er erfitt að fylgjast með þessu þar sem aðgerðin tekur um það bil 15 til 20 mínútur í framkvæmd,“ greindi starfsmaðurinn frá.
Margir „stelpustrákar“ eru á Tælandi. Þeir sem teljast slíkir geta verið klæðskiptingar og einnig strákar sem farið hafa í kynskiptiaðgerð. Stjórnvöld sýna þeim mikið umburðarlyndi og hefur það leitt til þess að Tæland er leiðandi afl í kynskiptiiðnaðinum. Ástandið hefur þó leitt til þess að mikil eftirspurn er hjá strákum á táningsaldri að líkjast stúlkum og heilsugæslur hafa reynt að anna þeirri eftirspurn með því að bjóða einfaldlega upp á ódýra geldingu. Verðið getur verið alveg niður í tæpar 10.000 krónur fyrir aðgerð, að því er fram kemur á fréttavef Reuters.
Mæðgur dæmdar til að greiða 64 milljónir
Litlar líkur á að hraunið nái til mannvirkja
„Erum í miðri hrinu“: Styttist í Eldvörp
Gosið gæti varað lengur: Meiri fyrirstaða í gosrásinni
Börn hafi engan rétt á leikskólakennslu
„Má segja að þetta gos hafi þjófstartað“