Ákærður fyrir að nota broddgölt sem vopn

Tæplega þrítugur Nýsjálendingur hefur verið ákærður fyrir að beita broddgelti sem vopni. Segir lögreglan að maðurinn hafi kastað broddgeltinum um fimm metra í átt að 15 ára dreng sem fékk dýrið í fótinn og hlutust af nokkrar stungur og bólga.

Þetta hefur vefur BBC eftir New Zealand Herald.

Ekki liggur ljóst fyrir hvort broddgölturinn var lifandi þegar honum var kastað, en hann var dauður þegar lögreglan hirti hann sem sönnunargagn í málinu.

Hinn ákærði var handtekinn „fyrir vopnaða árás, þ.e. með broddgelti,“ sagði talsmaður lögreglunnar.

Verði ákærði fundinn sekur á hann yfir höfði sér allt að fimm ára fangelsi.

• 3 blogg um fréttina

Bloggað um fréttina

• Eyjólfur Ingvi Bjarnason: Vopnaburður
• Hilmar Guðmundsson: Broddgöltur
• Ásgrímur Hartmannsson: Broddgaltamenning