Lás á buxurnar til að draga úr vændi

Indónesísk stjórnvöld lögðu til að nuddkonur myndu setja lás á buxurnar sínar til að draga úr vændi.

Þessi reglugerð var tekin upp í bænum Batu, sem er vinsæll ferðamannastaður. Sýndar voru myndir í dagblaði af nuddkonu með hengilás á buxunum þannig að hún gat ekki kippt þeim niður. Þar stóð að markmiðið væri að draga úr vændi á svæðinu og viðhalda góðri ímynd staðarins.

"Þetta er ekki góð leið til að draga úr lauslæti. Þetta móðgandi fyrir konur og lætur þær líta út fyrir að vera seki aðilinn,“ sagði Meuthia Hatta, ráðherra valdeflingar kvenna í Batu.

Bærinn er í tæplega 50 km. fjarlægð  frá Surabaya, næst stærstu borg Indónesíu. Þar er mikill kynlífsiðnaður og mikið vændi er tengt nuddstofum, að því er fram kemur á fréttavef Reuters.

• 5 blogg um fréttina

Bloggað um fréttina

• Guðjón Sigþór Jensson: Frumleg aðferð
• Snorri Bergz: Skírlífisbelti?
• Bryndís Bjarnarson: Er vændi vandi kvenna?
• hofy sig: Lás á nauðgara
• Heimir Lárusson Fjeldsted: Vinahót bönnuð.