Kjöthulstur fyrir iPod vinsælt

Það reka sjálfsagt margir upp stór augu þegar þeir líta iPhone-kjöthulstrið augum, sérstaklega grænmetisætur. Það skal þó strax tekið fram að ekki er um raunverulegt kjötstykki að ræða, aðeins eftirlíkingu, sem er samt það góð að jafnvel reyndustu slátrarar gætu látið blekkjast.

Hulstrið, sem gæti verið sneið af fyrsta flokks Kobe-nautakjöti, er hugmynd japanska fyrirtækisins Rakuten, sem selur vöruna fyrir 66 dollara, eða rétt tæpar 5.000 krónur, sem þykir nú kannski heldur mikið fyrir hulstur, en nær kílóverðinu á úrvalsnautakjöti.

• 2 blogg um fréttina

Bloggað um fréttina

• hofy sig: Glætan!
• Steinþór Ásgeirsson: Kjöthulstur