50 bílnúmer á ríflega 700 milljónir

Fimmtíu bílnúmer sem boðin voru upp í Dubai seldust á alls sem svarar rúmlega 730 milljónum króna. Mest var greitt fyrir númerið „50 G“, eða tæpar sjötíu milljónir. Tveggja tölustafa númer voru mjög eftirsótt, segir opinber fréttastofa Dubai.

Rúmlega 300 manns buðu í númerin, en það voru þjóðvega- og samgönguyfirvöld Dubai sem efndu til uppboðsins.

Næst-mest var boðið í númerið 23 G, eða 2,92 milljónir dírama (tæpar 60 milljónir króna), og 32 G seldist á 2,5 milljónir dírama.

Þriggja tölustafa númer fóru á lítið eitt minna. Þannig voru boðnar 1,3 milljónir dírama í 700 F, og 8000 G fór á aðeins 690.000 dírama (rúmar 14 milljónir króna)

• 3 blogg um fréttina

Bloggað um fréttina

• Helga Linnet: Einkanúmerin dýr!!
• Óttarr Makuch: Hvað kosta þær hér?
• Þorsteinn Gunnarsson: Er einhver hörgull á áli þarna niðurfrá?