Kannabislaufblað kom upp um flassarann

Franskur flassari var handtekinn eftir að kona gat borið kennsl á manninn vegna húðflúrs sem staðsett er á læri hans. Húðflúrið er af kannabislaufi. Maðurinn hefur verið dæmdur til þriggja mánaða fangelsisvistar.  

Umræddur maður er 43 ára gamall og er hann giftur. Hann hefur áður komist í kast við lögin sökum strípihneigðar sinnar. Nýlegasta brot hans var þegar hann beraði sig fyrir framan konu og tvíburadætur hennar. Maðurinn huldi andlit sitt en konan tók strax eftir kannabislaufblaðinu á læri hans og gat því borið kennsl á hann.  

Fyrir utan fangelsisdóminn var maðurinn dæmdur til að greiða konunni eina evru í skaðabætur en tvíburastúlkunum 100 evrur hvorri.

• 1 blogg um fréttina

Bloggað um fréttina

• Helga Guðrún Eiríksdóttir: Alltaf sagt þetta og stend við það hér: Tattú er …