Sektaðir fyrir að keyra of hægt

Löng brú milli tveggja hafnarborga var formlega opnuð fyrir umferð í síðustu viku í Kína. Tilgangurinn með henni er að stytta tímann sem tekur að komast milli borganna en þegar hafa hundruð bílstjóra verið sektaðir fyrir að keyra of hægt.  

Ferðalag frá hafnarborginni Ningbo til Shanghai tekur nú tvær og hálfa klukkustund en áður tók ferðalagið um fjórar klukkustundir. Síðan brúin var formlega opnuð fyrir umferð hafa rúmlega 300 bílstjórar verið sektaðir fyrir of hægan akstur. Sumir hafa verið sektaðir fyrir að leggja bílum sínum á brúnni í þeim tilgangi að njóta útsýnisins og ná nokkrum myndum.  

„Ég vildi bara keyra hægar og njóta útsýnisins. Hvað er svona rangt við það?,“ sagði ónefndur bílstjóri. Að mati yfirvalda hefur hæg umferð á brúnni leitt til mikils umferðarvanda og nokkurra slysa, að því er fram kemur á fréttavef Reuters.

• 4 blogg um fréttina

Bloggað um fréttina

• Ómar Ragnarsson: Stefnuljósaleysi og öruggur hægagangur.
• Ía Jóhannsdóttir: Lítill pistill um umferðamenninguna í Hamingjulandinu
• Markús frá Djúpalæk: Ljóð dagsins
• Kristján Pétursson: Svonefndir lestarstjórar valda stórhættu í umferðinni - þarf að breyta …