Brýtur kókoshnetur með vísifingri

Kung Fu meistari, sem er frægur fyrir að nota vísifingurinn til þess að brjóta kókoshnetur, hefur ákveðið að draga fingur sinn í hlé og hætta störfum.  Ho Eng Hui hyggst njóta lífsins fjarri sviðsljósinu en sýningar hans hafa um árabil verið vinsælar hjá íbúum í Malasíu og ferðamönnum.

Ho Eng Hui, sem er 56 ára, komst í metbækur í Malasíu þegar honum tókst að brjóta þrjár kókoshnetur með vísifingri á rúmri mínútu.  Hui braut fingurinn árið 1993 en hefur samt sem áður tekist að halda sér við og brjóta kókóshnetur um hverja helgi síðastliðin átta ár.

• 2 blogg um fréttina

Bloggað um fréttina

• Brjánn Guðjónsson: Guðbrandur sest á hilluna
• Gunnar Th. Gunnarsson: Að nota fingurinn