Potaði í augu hákarls

Ástralskur sundmaður er heppinn að vera á lífi eftir að hákarl réðist á hann undan ströndum Albany í vestur- Ástralíu. 

Jason Cull, 37 ára skólakennari, var bitinn af hákarli þegar hann var að synda við ströndina en hann hélt í fyrstu að um höfrung væri að ræða.  Jason segir að honum hafi tekist að pota í augu hákarlsins sem þá sleppti honum og synti í burtu. 

Jason meiddist á fæti en hákarlinn beit stykki úr læri hans.  Jason var svo hjálpað í land af lífverði sem heyrði hróp og köll hans frá ströndinni.  12 hákarlaárásir voru skráðar í Ástralíu árið 2007.

• 2 blogg um fréttina

Bloggað um fréttina

• Markús frá Djúpalæk: Ljóð dagsins
• Skarphéðinn Gunnarsson: Hvað með að útrýma bara hákarlinum? Góð lausn!