Frumlegur tölvuleikur

Nýr tölvuleikur er að koma á markaðinn og er hann sérstakur að mörgu leyti. Hann ber nafnið „Place to pee“ eða „Staður til að létta af sér“ og í honum er hægt að keppa í svigi eða drepa geimverur á meðan verið er að létta af sér.

Tveir Belgar hönnuðu leikinn og fengu þeir hugmyndina á meðan þeir sátu við bjórdrykkju á hátíð í Belgíu. „Place to Pee“ básinn er hannaður þannig að tveir geta notað hann og valið hvorn leikinn þeir velja sér. Spilarar þurfa að hitta á ákveðna punkta á klósettskálinni og þar eru nemar sem segja til um hvernig tekst til hjá þeim.

Einnig er verið að hanna leið til að konur geti spilað þennan leik líka, að því er fram kemur á fréttavef Reuters.