Lögreglumenn í Mósambík of feitir

Lögreglumenn í Mósambík þykja of feitir til að eltast við glæpamenn og búið er að skylda þá á æfinganámskeið til að betrumbæta aðstæður.  

Talið er að slæmum lífsháttum sé um að kenna. Margir lögreglumannanna eru með of stóran maga, drekka of mikið áfengi og reykja mikið. “Sumir þeirra eru orðnir svo miklir um sig að það hefur áhrif á heilsu þeirra og getu til að hlaupa,” sagði Pana Chande, ráðgjafi innanríkisráðuneytisins. Hann sagði að nauðsynlegt væri að búa yfir lögregluliði sem gæti staðið sig áfallalaust í starfi. Þeir sem eru til staðar nú eru hægfara og stífir, oftar en ekki ófærir um að elta uppi glæpamenn og of svifaseinir til að koma í veg fyrir glæp í uppsiglingu, að því er fram kemur á fréttavef BBC.

• 1 blogg um fréttina

Bloggað um fréttina

• Le Betiz: Í lögreglunni á Akureyri...