Tölvutæknin ofnotuð

Nemendum í McKinney framhaldsskólanum í Texas í Bandaríkjunum brá heldur betur í brún er þeir fengi nýja árbók  með myndum af sér í hendur.

Höfðu myndirnar af þeim verið togaðar og teygðar og í sumum tilfellum höfðu andlitsmyndir jafnvel verið klipptar saman við myndir af  líkömum annarra nemenda. Þá vantaði handlegg á mynd af einni stúlkunnni og önnur virðist nakin. 

Talsmaður fyrirtækisins Lifetouch National School Studios Inc. sem sá um prentun bókanna segir að um mistök hafi verið að ræða. Þau megi rekja til þess að beðið hafi verið um að höfuð allra nemenda á myndunum yrðu í sömu stærð og augu þeirra í nákvæmlega sömu hæð.

Talsmaðurinn Sara Thurin Rollin segir þetta hafa verið óvenjulega beiðni sem hafi flækt mjög vinnslu bókanna en að það réttlæti þó ekki útkomuna. Hún neitar að greina frá því hvort einhver hafi verið rekinn vegna mistakanna en segir að fyrirtækið muni greiða fyrir endurprentun bókanna.

• 1 blogg um fréttina

Bloggað um fréttina

• Jac Norðquist: Ég hef mynd hér......