Fáklæddar múmíur vekja uppnám

Minjasafnið í Manchester hyggst hylja betur tvær egypskar múmíur eftir að kvartanir bárust þess efnis að þær væru of fáklæddar.

Alls eru 11 múmíur til sýnis á minjasafninu í norðvesturhluta Englands og voru tvær þeirra ekki eins vel vafðar. Í kvörtuninni, sem kom frá gestum safnsins, kom m.a. fram að sýna ætti múmíunum meiri virðingu. Múmíurnar hafa nú verið lagðar til hliðar á meðan verið er að ákveða hvernig hæfilegast sé að sýna þær.