Konur ekki alltaf kostur

Það er ekki alltaf kostur að hafa konu sem leiðtoga. Þetta er niðurstaða greiningar á vegum Dansk Brancheanalyse á árangri kvenna í atvinnulífinu. Skoðuð voru 994 fyrirtæki í sex atvinnugreinum.

Konur stóðu sig almennt betur en karlar í ferða- og hótelgeiranum. Árangurinn var misjafn í öðrum greinum og í sumum stóðu konur sig verr en karlar, eins og til dæmis í fasteignaviðskiptum og í auglýsinga- og samskiptabransanum. Chris Mathieu, sem starfar við skólann Copenhagen Business School og sérhæfir sig í stjórnun, segir að ein af skýringunum geti verið sú að karlar stökkvi frá borði þegar tap verður á rekstri eins og könnun innan tölvugeirans hefur leitt í ljós. Þá skapist rými fyrir konurnar í stjórnum fyrirtækjanna. Karlarnir snúi hins vegar aftur þegar reksturinn er kominn á réttan kjöl og tími kominn til að færa út kvíarnar.

• 2 blogg um fréttina

Bloggað um fréttina

• Þóra Guðmundsdóttir: Sérkennileg niðurstaða.
• Guðsteinn Haukur Barkarson: Karlrembu könnun!