Stokkið yfir börn á þorpshátíð

Óvenjulegur siður er enn hafður í heiðri í þorpinu Castrillo de Murcia á Spáni en þar stökkva karlmenn yfir hóp smábarna, sem liggja á dýnu. Er þetta gert til að stökkva djöflinum á braut en karlmennirnir eru í gervi Colacho, persónu sem táknar kölska.

Þessi hefð í Castrillo er rakin til ársins 1620 en hún tengist kaþólskri trúarhátíðinni Corpus Christi, sem haldin er víða á Spáni um þessar mundir. Þátttakendur í hátíðarhöldunum klæða sig gjarnan í gervi djöfla og engla eða annarra persóna. 

Fram kemur á fréttavef BBC, að enginn virðist hafa meiðst í hátíðarhöldunum í Castrillo í dag. 

AP

• 2 blogg um fréttina

Bloggað um fréttina

• Jóhannes Ragnarsson: Maðurinn sem var uppfullur af djöflum og andskotum
• Helgi Már Barðason: Tilvalið