Hjónaband ógilt í Frakklandi vegna ósannsögli um meydóm
Setja bókamerki
Deilur hafa risið í Frakklandi vegna úrskurðar dómstóls sem ógilti hjónaband tveggja múslíma á þeim forsendum að konan hefði logið til um að vera hrein mey. Segja femínistar að með úrskurðinum sé vegið að kvenfrelsi.
Dómstóll í Lille varð við kröfu eiginmannsins um ógildingu hjónabandsins eftir að hafa komist að þeirri niðurstöðu að maðurinn hefði verið narraður til að kvænast konunni. Meydómur konunnar hafi verið það sem úrslitum réði um að hann ákvað að kvænast henni, sagði í úrskurðinum.
UMP flokkurinn, sem fer með völd í Frakklandi, hefur mótmælt úrskurði dómsins og krafist þess að dómsmálaráðherrann hnekki honum. Dómurinn stangist á við veraldleg grundvallarsjónarmið landsins.
En talsmaður ráðuneytisins sagði að úrskurður dómstólsins byggðist ekki á trúarlegum forsendum eða siðferðilegum heldur ákvæðum franskra laga um að hjónaband megi ógilda ef maki hafi logið til um „grundvallaratriði“ í sambandinu.
Kvenréttindasamtök kváðu dóminn skammarlegan og veita körlum lagaheimild til að hafna konum á þeim forsendum að þær væru ekki óspjallaðar meyjar.
Hlutfallslega flestir fóru í Voga
„Björguðu lífi þessa fólks“
/frimg/1/50/63/1506351.jpg)
Halla fær rafbíl á sérdíl
Myndband: Hnúfubakar komu fjölskyldu á bát á óvart
Skipulagði aðgerðir fyrir Ólympíuleikana
„Þú ert bara orðin miðaldra kona“
Dagbjört dæmd í 10 ára fangelsi fyrir líkamsárás
Stafræna byltingin étur börnin sín