Skrækróma menn mega ekki verða þjóðvarðliðar

Læknisfræðilegir ráðgjafar spænsku stjórnarinnar hafa hvatt hana til að breyta reglum um hverjir geti fengið inngöngu í spænska þjóðvarðliðið. Þeir vilja til að mynda að sleppt verði ákvæði um að skrækróma menn eða karlmenn með eitt eista geti ekki gengið í þjóðvarðliðið, að sögn spænska blaðsins El País.

Reglurnar voru síðast endurskoðaðar árið 1996 og samkvæmt þeim er einnig hægt að hafna umsækjendum sem stama, eru með sykursýki, sóríasis, mígreni, kynsjúkdóma, ör eða annað lýti á andliti.