Sektaður fyrir að vera ber að ofan

Lögreglan í Easton í Maryland í Bandaríkjunum sektaði um daginn átján ára bæjarbúa fyrir að vera ber að ofan á almannafæri. Er þetta í þriðja sinn á fimm árum sem sektað er fyrir þetta athæfi í bænum.

Samkvæmt reglugerð sem samþykkt var í bænum 1974 er öllum bannað að vera ber að ofan í opinberum byggingum eða á götum eða gangstéttum.

Við broti gegn reglugerðinni liggur allt að hundrað dollara sekt og tíu daga varðhald.

Lögreglustjórinn í Easton segir að þeir sem eru berir að ofan teljist brjóta gegn almennu velsæmi.

• 2 blogg um fréttina

Bloggað um fréttina

• Sigurður Þórðarson: Siðsemislögreglan passar upp á slæður og nekt
• Halldór Egill Guðnason: Stutt athugasemd.