Stóra handarkrikamálið

Karlmaður í Singapúr hefur verið dæmdur í 14 ára fangelsi fyrir að angra konur í lyftum, stigum og á heimilum þeirra með því að þefa af handarkrikum þeirra og jafnvel snerta þær. Maðurinn, sem er 36 ára, hlaut einnig 18 vandarhögg en hann hefur áður hlotið dóma fyrir fíkniefna- og kynferðisafbrot, að sögn Straits Times.

Yfirleitt eru svo harðar refsingar ætlaðar forhertum glæpamönnum en talið var líklegt að maðurinn myndi halda áfram að brjóta af sér.