Fékk einkunn fyrir tveggja blótsyrða ritgerð
Setja bókamerki
Breskur framhaldsskólanemi fékk einkunn fyrir „ritgerð“ sem innihélt einungis tvö orð, sem saman mynda hinn argasta dónaskap. Fyrra orðið byrjar á f, og það síðara er „you.“
The Times greinir frá þessu í dag og hefur eftir prófdómaranum Peter Buckroyd, sem fór yfir ritgerðina - ef ritgerð skyldi kalla - að það hefði verið „illkvittni að gefa núll vegna þess að nemandi sýndi fram á grundvallarkunnáttu, eins og að koma merkingu til skila og réttritun.“
Einkunnin sem nemandinn fékk fyrir viðleitnina var að vísu aðeins tveir af 27 mögulegum. Um var að ræða enskuritgerð sem átti að vera úrlausn á verkefninu „Lýstu herberginu sem þú ert í.“
„Þetta var skárra en að skrifa ekki neitt,“ sagði Buckroyd. Hefði nemandinn sett punkt á eftir hefði hann fengið þrjá.
Buckroyd er prófdómari hjá matsstofnun sem gefur einkunnir fyrir próf í breskum framhaldsskólum.
Talsmaður stofnunarinnar staðfesti að frásögn blaðsins væri rétt, en tók fram að þetta væri ekki í samræmi við stefnu stofnunarinnar.
Yfir 300 stæði fóru undir hraun
Hraunið við bílastæði Bláa lónsins
Maskína: Framsókn í fallbaráttu
Virknin dregist saman um 600 metra
Myndir: Grindavíkurvegur aftur undir hraun
Börn hafi engan rétt á leikskólakennslu
Mæðgur dæmdar til að greiða 64 milljónir
Litlar líkur á að hraunið nái til mannvirkja