Reyndi að róa Eyrarsundið eftir sumbl

Svíi nokkur á áttræðisaldri sem hafði setið við drykkju í Helsingor í Danmörku dó ekki ráðalaus þegar hann áttaði sig á því að hann átti ekki nægan pening fyrir ferju heim til Svíþjóðar. Hann einfaldlega stal litlum árabát og reyndi að róa sjálfur þá 5 km sem skildu Helsingor frá Helsingborg í Svíþjóð. Frá þessu segir á fréttavef Reuters.

Róðurinn tókst þó ekki betur en svo að maðurinn sofnaði á miðri leið og rak bátinn stefnulaust áfram þangað til danska strandgæslan blandaði sér í málið. Báturinn var dreginn aftur til Danmerkur og maðurinn látinn í næstu ferju til Svíþjóðar.

• 4 blogg um fréttina

Bloggað um fréttina

• Sæmundur Bjarnason: Lyst á drykkju dofnaði
• Óskar Þorkelsson: það vantar aðalatriði fréttarinnar
• Jenný Anna Baldursdóttir: Heima hjá Hamlet
• hofy sig: Sjálfbjargarviðleytni.