Lögreglubíll fullur af dópi

Leyni­lög­reglumaður í Dallas í Banda­ríkj­un­um fann rúm­lega 20 kíló af kókaíni er hann var að þrífa lög­reglu­bíl sem hann hafði verið að nota und­an­farna tvo mánuði. Götu­verðmæti efn­is­ins er talið nema um 30 millj­ón­um kr.

Kókaínið fannst falið í leyni­hólf­um sem er stýrt með sér­stöku vökv­adælu­kerfi.

Lög­regl­an lagði hald á öku­tækið á glæpa­vett­vangi fyrr á þessu ári. Lög­regl­an hóf að nota bif­reiðina eft­ir að fíkni­efna­deild­in hafði leitað í bíln­um en ekki fundið neitt óvenju­legt eða vafa­samt í bíln­um.

Að sögn yf­ir­manns hjá fíkni­efna­deild lög­regl­unn­ar eru slík leyni­hólf að verða sí­fellt vin­sælli hjá fíkni­efna­söl­um.

Hann seg­ir að með því að nota vökv­a­kerfi þá eigi menn erfiðara með að átta siga á því að bílln­um hafi verið breytt. Hann seg­ir að til að opna hólfin þurfi menn að ýta á ákveðna takka og snúa skíf­um í til­tek­inni röð.

• 1 blogg um frétt­ina

Bloggað um frétt­ina

• Berg­ur Thor­berg: Bíla­flot­inn fjár­magnaður af glæpa­mönn­um