Elsti bloggari heims látinn

Áströlsk kona sem sögð er vera elsti bloggari heims lést á hjúkrunarheimili um helgina 108 ára að aldri. Síðasta færslan á bloggsíðu hennar fjallar um gleðisöng sem hún söng á elliheimilinu með dóttur sinni.

Búið er að birta tilkynningu á síðunni þar sem fram kemur að Olive Riley hafi látist á laugardag. Þar segir jafnframt að þúsundir vina hennar á netinu og hundruð ættingja og skyldmenna muni sakna hennar.

Riley birti yfir 70 færslur á síðunni frá því hún hóf að blogga í febrúar í fyrra. Meðal þess sem hún skrifaði um voru vangaveltur hennar um lífið í nútímanum og lífsreynsla hennar á 20. öldinni.

Riley fæddist í bænum Broken Hill 20. október árið 1899. Hún lifði af tvær heimsstyrjaldir og eignaðist þrjú börn. Hún starfaði m.a. við matreiðslu og vann á knæpu.

• 2 blogg um fréttina

Bloggað um fréttina

• Brynjar Jóhannsson: Það verður STUÐ ÞEGAR ÉG VERÐ ORÐIN GAMALMENNI- STUÐ OG …
• Hólmdís Hjartardóttir: Ætli hún bloggi?