Þjóðverjum leyft að fá sér rettu á barnum

Kráargestir í Baden-Württemberg og Berlín gátu í gær kveikt í sígarettum á krám, eftir að stjórnarskrárréttur Þýskalands felldi reglur um bann við reykingum úr gildi.

Dómstóllinn komst að því að smærri knæpur bæru skarðan hlut frá borði í reykingabanni. Stærri staðir mættu samkvæmt reglunum koma sér upp aðstöðu til reykinga, þannig að réttinum sýndist jafnræði öldurhúsa fyrir lögum ekki virt.

Löggjafanum var gefinn frestur til loka árs 2009 til að setja nýjar reglur um reykingar, þar sem öllum er gert jafnt undir höfði. Þangað til geta gestir kráa kveikt sér í sígarettum – svo fremi að kráin sé minni en 75 fermetrar að grunnfleti, hafi engin aukaherbergi og meini fólki undir 18 ára inngöngu.

• 3 blogg um fréttina

Bloggað um fréttina

• Linda litla: Mega fá sér smók á barnum....
• Hólmdís Hjartardóttir: Reykingabann
• Gunnar Ágúst Ásgeirsson: Af hverju eru þessar reglur ekki hér?