Köttur bjargaði lífi eiganda síns

Öldruð kona í Missouri segist eiga kettinum sínum líf að launa. Hafi kisa með mjálmi sínu vakið hana af svefni þegar eldur kom upp á heimili hennar.

Klukkan var fjögur að nóttu þegar kötturinn Búbú tók að mjálma af miklum móð. Konan, sem heitir Grace George og er 97 ára, vildi sofa lengur og ætlaði að setja Búbú út, og skildi ekkert í þessum hávaða í honum.

Þá fann hún reykjarlykt, og forðaði sér út. Slökkviliðið kom síðan á vettvang. Talið er að kviknað hafi í út frá eldingu.

Grace og Búbú halda nú til hjá dóttur hennar, og fékk Búbú dós af laxi fyrir afrek sitt.

• 2 blogg um fréttina

Bloggað um fréttina

• Svava frá Strandbergi : Kisinn minn sálugi, hann Bambus, bjargaði líka lífi mínu fyrir …
• Fríða Rakel Kaaber: Duglegur kisi