Kókaín á evrum

Meira kókaín hef­ur safn­ast á pen­inga­seðla á Spáni en ann­ars staðar í Evr­ópu. Efna­fræðing­ar við há­skól­ann í Valencia sem gerðu handa­hófs­könn­un á seðlum komust að því að á meðalseðlin­um væru 155 míkró­grömm af kókaíni.

Niður­stöðurn­ar þykja benda til þess að kókaínn­eysla sé út­breidd­ari á Spáni en ann­ars staðar í álf­unni.

Kókaíns­nef­ill fannst á öll­um seðlun­um sem mæld­ir voru, en vís­inda­menn­irn­ir telja or­sak­ir þess í mörg­um til­fell­um vera smit­un á milli seðla og seðlataln­inga­véla.

„Mér þykir ákaf­lega vand­ræðal­egt að við séum orðið öll með kókaín í seðlaveskj­um okk­ar,“ seg­ir Migu­el de la Guar­dia, einn efna­fræðing­anna.

Komust vís­inda­menn­irn­ir að því að á þýsk­um seðlum væri um fimm sinn­um minna kókaín en á þeim spænsku. Á þeim írsku evr­um sem kannaðar voru fannst enn minna af fíkni­efn­inu – mest mæld­ust 0,576 míkró­grömm á ein­um seðli. aij

• 1 blogg um frétt­ina

Bloggað um frétt­ina

• Snorri Bergz: Á að taka upp evru?