Klósettleki kom upp um spilltan embættismann

Spilltur kínverskur embættismaður hefur verið dæmdur til dauða eftir að leki á salerni leiddi til þess að uppvíst varð að hann hafði þegið mikið fé í mútur, að því er fréttastofan Xinhua greindi frá í gær.

Embættismaðurinn var yfirmaður samgöngumála í sýslu í suðvesturhluta Kína. Hann hlaut dóm fyrir að hafa alls þegið 22,3 milljónir yuan í mútur frá fyrirtækjum sem leggja vegi.

Maðurinn var handtekinn eftir að íbúi í sýslunni hafði samband við lögreglu í janúar og kvartaði vegna leka úr tómri íbúð fyrir ofan sig.

Lögreglumaður fór á vettvang til að kanna málið. Tóma íbúðin var í eigu umrædds embættismanns. Þar fann lögreglumaðurinn lekt klósett og sex pappakassa sem innihéldu 9,4 milljónir yuan.

Eiginkona embættismannsins var dæmd í þriggja ára skilorðsbundið fangelsi fyrir peningaþvætti.

• 3 blogg um fréttina

Bloggað um fréttina

• Guðrún Emilía Guðnadóttir: Klósettmál bara endalaust.
• Axel Jóhann Hallgrímsson: Saurugir seðlar
• Birna Guðmundsdóttir: Nógir peningar!