Ákall til ófríðra kvenna

Bæjarstjóri afskekkts kolanámuþorps í Ástralíu hefur verið harðlega gagnrýndur fyrir að hafa sagt að ófríðar konur njóti mögulega góðs af því hve fáar konur búa í honum.

John Molony sagði í viðtali sem birtist í Townsville Bulletin í síðustu viku að í bænum séu um fimm karlar á hverja stúlku. „Mætti ég stinga upp á því að konur sem hafi ekki útlitið með sér komi til Mount Isa.“

Fjöldi kvartana - bæði frá körlum og konum - hefur borist bæjaryfirvöldum í kjölfar ummæla bæjarstjórans. Hann hefur hins vegar neitað að biðjast afsökunar á ummælunum. Hann hafi aðeins verið að segja satt og rétt frá hvernig málum væri háttað í bænum, sem er í Queensland.

Stærstu neðanjarðarnámur heims eru í Mount Isa, sem er í um 1800 km frá Brisbane. Árið 2006 bjuggu aðeins 819 konur á aldrinum 20-24 í bænum, en heildaríbúafjöldinn þá var 21.421.

• 3 blogg um fréttina

Bloggað um fréttina

• Ylfa Mist Helgadóttir: Hvernig er þessu háttað hér í Bolungarvík?
• Snorri Bergz: Breskar konur flytjast til Ástralíu
• Guðsteinn Haukur Barkarson: Hver er sönn fegurð?