Eignaðist fjórbura 55 ára gömul

Fimmtíu og fimm ára gömul indversk kona hefur eignast fjórbura, en konan fæddi börnin í bænum Mantua á Norður-Ítalíu. Konan hefur búið í bænum Suzzara, sem er skammt frá, í 15 ár. Hún fór til Indlands í glasafrjóvgun eftir árangurslausar tilraunir á Ítalíu.

„Við erum búin að bíða í 15 ár eftir börnunum,“ segir faðirinn, hinn 38 ára gamli Pabla Maghar Singh. „Við erum alsæl.“

Konan fæddi fjóra drengi í síðustu viku, og heita þeir Manav, Manmeet, Roshan og Radveer.

Þeir fæddust tveimur mánuðum fyrir tímann og vóu á milli 750 til 980 grömm. Þeir eru enn á sjúkrahúsi í hitakössum, en að sögn lækna heilsast drengjunum vel.

Móðirin starfar við ræstingar og faðirinn í stálsmiðju.

• 3 blogg um fréttina

Bloggað um fréttina

• Hulla Dan: Obbbobbbobb
• Valbjörn Júlíus Þorláksson: Ekki til neitt sem heitir GERVIfrjóvgun..
• Halldóra Lára Ásgeirsdóttir: Sjöburarnir, of mikið fyrir mig.