Hótar að siga leyniþjónustunni á kærastana

Barack Obama viður­kenndi í dag hver væri hin raun­veru­lega ástæða fyr­ir því, að hann býður sig fram í embætti Banda­ríkja­for­seta.

„Það sem í raun býr að baki er að fá leyniþjón­ust­una til að passa dæt­ur mín­ar tvær þegar þær kom­ast á unglings­ár," sagði hann glott­andi við kjós­end­ur í grill­veislu í Eau Claire í Wiscons­in í dag.

„Alltaf þegar ein­hver gutti kem­ur og vill bjóða þeim á stefnu­mót ætl­um við að láta einn af þess­um gaur­um taka á móti þeim. Þeir brosa aldrei, þeir eru vopnaðir, þeir eru hættu­leg­ir," sagði hann og benti á ör­ygg­is­verðina, sem fylgd­ust með mann­fjöld­an­um. 

Obama og Michelle kona hans eiga tvær dæt­ur, Maila 10 ára, og Sasha, 7 ára.

• 4 blogg um frétt­ina

Bloggað um frétt­ina

• Jenný Anna Bald­urs­dótt­ir: Að hanga sam­an á munni eða mjöðm
• Berg­ur Thor­berg: Húm­or eða hroki?
• Dögg Páls­dótt­ir: Hallæris­legt
• Gísli Foster Hjart­ar­son: Það ætla ég að vona....