Feigur höfundur

Dave Freeman, sem skrifaði bókina „100 Things to Do Before You Die" (100 hlutir sem þú verður að gera áður en þú deyrð), er látinn 47 ára að aldri. Freeman, sem stýrði einnig auglýsingastofu, skrifaði bókina ásamt félaga sínum árið 1999. Freeman náði að heimsækja um helming staðanna sem mælt var með í bókinni áður en hann lést.

Freeman lést þann 17. ágúst á heimili sínu í Feneyjum. Bókina skrifaði Freeman ásamt félaga sínum Neil Teplica. Byggði bókin á vefsíðunni whatsgoingon.com, sem þeir ráku á árunum 1996-2001. Í bókinni segir að lífið sé stutt ferðalag og þar sé að finna upplýsingar um hvernig þú getir fyllt lífið gleði og heimsótt svölustu staði í heimi áður en þú pakkar saman fyrir síðasta ferðalagið, að því er fram kemur í frétt á vef Los Angeles Times.

Meðal þess sem bókin mælir með er að taka þátt í Pamplona nautahlaupinu á Spáni og mæta á Óskarsverðlaunahátíðina.

Frétt LAT í heild 

• 2 blogg um fréttina

Bloggað um fréttina

• Emil Örn Kristjánsson: Það er ekki seinna vænna.
• Mofi: Hvað vilt þú gera áður en þú deyrð?