Festi ró á getnaðarlimnum

Til­raun logsuðumanns í Malas­íu til að lengja á sér getnaðarlim­inn fór úr­skeiðis er ró sem hann þræddi upp á lim­inn fest­ist þar þegar hon­um reis hold.

Dag­blaðið The Star grein­ir frá því að maður­inn hafi leitað á sjúkra­hús þar sem tókst að ná rónni af limn­um með því að losa úr hon­um blóð og skera burtu efsta lag húðar­inn­ar.

Blaðið sagði að slökkvilið og björg­un­ar­sveit­ir hafi einnig lagt sitt að mörk­um við til­raun­ir til að losa mann­inn úr þess­ari prísund.

Logsuðumaður­inn er á þrítugs­aldri. Hann ætlaði að lengja lim­inn með því að festa róna á hann í þeirri von að þyngd­in teygði á limn­um. Langaði hann að lim­ur­inn yrði orðinn lengri er hann trú­lof­ar sig í næstu viku.

Maður­inn er á bata­vegi.

Í síðasta mánuði bár­ust fregn­ir af ung­um manni í Kúala Lúm­púr sem reyndi að auka kyn­orku sína með því að þræða stál­hring upp á lim sinn. Þurfti að fá slökkviliðið til að skera hring­inn af eft­ir að lækn­ar gáf­ust upp við að losa hann.

• 8 blogg um frétt­ina

Bloggað um frétt­ina

• Axel Jó­hann Hall­gríms­son: Það vantaði skrúfgang­inn.
• Þrá­inn Brjáns­son: Það á að verðlauna svona tippal­inga :):)
• Hvíti Ridd­ar­inn: Kann­ast við þetta trix, þetta er bara óheppni hjá hon­um....
• Kjart­an Pálm­ars­son: Í þess­um efnu sem öðrum ber að halda ró sinni
• Ragn­ar Borgþórs: Smá rugl í þýðingu.
• Sig­ríður Sig­urðardótt­ir: Bara að muna að....
• Heim­ir Lárus­son Fjeld­sted: Hug­ar­ró­in gild­ir
• Berg­ur Thor­berg: Róa sig niður