Hundum beitt gegn ólöglegum mynddiskum

Breska lögreglan hefur fengið hunda til liðs við sig í baráttunni gegn sölu ólöglega útgefinna mynddiska, sem eru afrit vinsælla kvikmynda. Tæpar 50 milljónir slíkra diska voru seldar í Bretlandi á síðasta ári og nam gróðinn rúmlega 30 milljörðum íslenskra króna.

Hundarnir eru þjálfaðir til að finna lyktina af efnablöndunni sem notuð er í diskana. Þeir gera reyndar ekki greinarmun á löglegum og ólöglegum diskum en hafa komið upp um stórar birgðir diska sem svo eru skoðaðir af lögreglu.