Kynlífsskattur lagður á

Borgarstjórnin í þýsku borginni Marburg hyggst setja sérstakan skatt á vændishús og klámmyndahús. Gjaldtakan, sem mun miðast við stærð fyrirtækjanna, hefur mælst illa fyrir hjá eigendum í kynlífsbransanum.

Sambærilegur skattur hefur verið tekinn upp í nokkrum þýskum borgum. Í Frankfurt þarf til að mynda að greiða 50 evrur á mánuði fyrir hvern fermetra.

Skattstjóri Marburgar stefnir hins vegar á að innheimta 2,50 evrur fyrir hverja 10 fermetra á dag. Er vonast til að það muni skila 90.000 evrum í kassann á ári, eða sem nemur um 11 milljónum króna. 

• 1 blogg um fréttina

Bloggað um fréttina

• Snorri Bergz: Tökum svona gjald upp líka