Óánægð með kennitöluna 666

Nýfædd stúlka í Norður-Svíþjóð hlaut kennitölu sem endar á tölustöfunum 666 og hafa foreldrar hennar mótmælt harðlega. Þau segja dóttur sína ekki vera af hinu illa komin en þau eru trúað fólk sem vill losna við þessa táknrænu talnarunu.

Samkvæmt Opinberunarbók Biblíunnar er talan 666 númer hinnar illu skepnu eða djöfulsins. Sænska TT fréttastofan skýrði frá því að hvorki skattayfirvöld né héraðsdómur þar í landi samþykktu að breyta kennitölu barnsins.

Um 100 stúlkur á ári fá tölurnar 666 í kennitölu sína í Svíþjóð.

666 á Blönduósi

Þess má geta að lögreglan á Blönduósi er með þrjár sexur í símanúmeri sínu en hvort það hefur eitthvað að gera með góðan árangur í hraðamælingum er lesendum látið eftir að velta fyrir sér.

• 6 blogg um fréttina

Bloggað um fréttina

• Mofi: Hvert er dýrið?
• Lýður Pálsson: Ég er trúaður en ekki strangtrúaður!
• Bryndís Svavarsdóttir: 666
• Axel Jóhann Hallgrímsson: 666 á Blönduósi - er sá illi þar?
• Heimir Lárusson Fjeldsted: Símanúmer sem endar á 666
• Jón Finnbogason: Vegir Guðs eru órannsakanlegir