Gert að segja af sér eftir dansatriði
Setja bókamerki
Ástralskur stjórnmálamaður hefur verið neyddur til að segja af sér eftir að hafa fækkað fötum í dansi í starfsmannateiti hjá ríkisráði New South Wales. Maðurinn var ráherra lögreglumála í ríkisráði New South Wales.
Matt Brown ákvað að segja af sér í morgun, þremur mánuðum eftir að hafa endað á nærbrókinni að loknum danski í teitinu sem haldið var í Sydney. Viðurkenndi hann að hegðunin samrýmdist ekki stöðu hans en hann var mjög drukkinn er atburðurinn átti sér stað.
Á Brown að hafa farið úr öllu nema „mjög" litlum nærbrókum er hann dansaði upp í sófa við undirleik háværrar tónlistar, samkvæmt fréttum í áströlskum fjölmiðlum.
„Ég er mannlegur og ég gerði mistök. Ég ætla að axla ábyrgð á þeim mistökum," sagði Brown í morgun.
„Um er að ræða atburð sem átti sér stað á skrifstofu minni fyrir þremur mánuðum síðan í lok fjárlagagerðar. Líkt og hefð er á ríkisþinginu þá fagna samstarfsfélagar gerð fjárlaga."
„Kvöldið sem við fögnuðum var hegðun mín ekki í samræmi við stöðu ráðherra. Ég ræddi við ríkisstjórann um þetta og það varð að samkomulagi okkar á milli að ég myndi segja af mér. Það hef ég gert," sagði Brown ennfremur við fjölmiðla í morgun.
Átti ekki að láta pirring bitna á sjúklingi
Hvað gerðist eiginlega í VMA?
Óttast að fólk fari aftur að eyða peningum
Beint: Eldgos hafið við Stóra-Skógfell
Úlfar: Heppileg tímasetning á gosinu
Tekist á um áður óþekkta skýrslu landlæknis
Heitt vatn fannst sem gæti annað 10 þúsund manns