Hringdi í neyðarsíma lögreglu vegna lögunar kanínueyra

Lögreglan fær upphringingar af ýmsum toga í neyðarnúmer sitt og oft er neyðin fremur léttvæg að mati lögreglunnar. Samkvæmt upplýsingum frá skosku lögreglunni þá hringdi kona nýverið í neyðarsíma lögreglu, 999, vegna þess að kanína sem hún hafði keypt í gegnum dagblaðaauglýsingu var ekki með lafandi eyru líkt og henni hafði verið lofað.

Á fréttavef BBC eru nefnd fleiri dæmi um símtöl sem lögregla telur að eigi ekki heima í neyðarnúmerið. Svo sem kona sem hafði samband þar sem hún hafði fengið yfir sig gusu frá bifreið sem ekið var ofan í poll. Einn hringdi til þess að fá upplýsingar um póstnúmerið á lögreglustöðinni í Grangemouth.

Er skoska lögreglan afar ósátt við að eyða tíma og orku í að svara símtölum sem þessum enda geti þetta tafið fyrir því að lögregla sinni verkefnum sem eiga meira heima á þeirra könnu.

• 2 blogg um fréttina

Bloggað um fréttina

• hofy sig: Ég líka.
• Emil Örn Kristjánsson: Lögreglumál