Lögmaðurinn fékk greitt í fríðu
Setja bókamerki
Lögmaður í Illinois í Bandaríkjunum hefur verið sviptur málflutningsréttindum í rúmt ár eftir að upp komst, að hann tók einkadansa hjá nektardansmær upp í skuld.
Blaðið Chicago Tribune sagði frá því að Scott Robert Erwin muni missa málflutningsréttindin í 15 mánuði. Erwin starfar í borginni DeKalb. Að sögn blaðsins hafði Erwin veitt konunni ýmsa lögfræðiþjónustu sem hún gat ekki borgað fyrir. Sömdu þau um að hún kæmi á skrifstofu lögmannsins öðru hvoru og dansaði þar fyrir hann. Í hvert skipti myndi lögmannsreikningurinn lækka um 534 dali, jafnvirði 50 þúsund króna.
Konan fór hins vegar til lögreglu árið 2002 og kvartaði yfir því, að lögmaðurinn snerti sig með óviðurkvæmilegum hætti á meðan hún var að dansa. Erwin neitaði þessu og var aldrei formlega ákærður en siðanefnd lögmannafélags Illinois komst í málið.
Hentugt gos fyrst gýs á annað borð
Ekki vandamál að vera karlmaður
Vika í kosningar: Þetta segja kannanir
Reiðubúin að aflýsa verkföllum í fjórum leikskólum
Þarf að koma til móts við ólíkar þarfir lækna
Nýtt fangelsi í landi Stóra-Hrauns tilbúið 2028
Sjötti ferðamaðurinn er látinn
Pútín reynir allt til að forðast aðra herkvaðningu