Gjafahöfuðverkurinn læknaður

Það getur verið höfuðverkur að velja gjöf handa brúðhjónum. Ísraelar hafa hins vegar lausn á því, og hafa gengið skrefinu lengra. Nú geta brúðkaupsgestirnir einfaldlega stungið greiðslukortum inn í sérstaka vél, sem er komið fyrir í veislusalnum, og slegið inn vissa upphæð sem þeir vilja gefa hinum nýbökuðu hjónum.

Í stað þess að mæta með stórar gjafir í kössum þá er venjan sú í Ísrael að skilja eftir peninga eða ávísanir í umslagi handa hjónunum, en umslögunum hefur hingað til verið komið fyrir í færanlegu öryggishólfi. Hjónin hafa síðan lagt peningana inn í banka. 

Nú hefur ísraelska fyrirtækið Check-Out einfaldað ferlið til muna og búið til einskonar hraðbanka sem gestirnir geta notað. 

• 3 blogg um fréttina

Bloggað um fréttina

• Frikkinn: Gyðingar og gjafir.
• Birna Guðmundsdóttir: Heimur versnandi fer!
• Bergur Thorberg: POSI