Karlmannleg kokkabók

Út er komin matreiðslubók sem einungis er helguð eistum. Serbneskur áhugakokkur, Ljubomir Erovic hefur safnað saman uppskriftum í bókina sem nefnist The Testicle Cookbook á ensku og er gefin út í stafrænu formi á netinu.

Í bókinni er að finna uppskriftir að flatböku með eistum, djúpsteiktum eistum í deigi og grilluðum eistum ekki er nefnt hvort íslenska útgáfan af súrsuðum hrútspungum sé með í bókinni.

AFP fréttastofan sendi frá sér ítarlega frétt um bókina og er henni greinilega ætlað að fá karlmenn til að súpa hveljur því fréttin hefst á viðvörun þess efnis að viðkvæmir karlmenn ættu að líta undan.

Margar dýrategundir fá að njóta sín í bókinni, þar eru nefndir graðhestar, strútar, naut, svín og kalkúnar en mest lostavekjandi frygðaraukinn mun koma undan lambhrútunum.

Sjá nánar um The Testicle Cookbook - Cooking with balls

• 4 blogg um fréttina

Bloggað um fréttina

• Guðrún Emilía Guðnadóttir: Frygðarauki í formi eista
• Marilyn: Að nýta allt
• Bergur Thorberg: Nú er komið að ykkur stelpur
• Anna Guðný : Jólagjöfin í ár.