Sækjast eftir viðurkenningu í framhjáhaldi

Karlar halda fyrst og fremst framhjá konum sínum þar sem þeim finnst þeir ekki fá  næga viðurkenningu frá þeim. Þetta er niðurstaða rannsóknar bandaríska hjóna og fjölskylduráðgjafans Gary Neuman sem greint er frá á fréttavef Jyllands-Posten.

Í rannsókninni sem stóð yfir í tvö ár fylgdist Neuman með hundrað körlum sem voru eiginkonum sínum trúir og hundrað körlum sem héldu framhjá konum sínum. Af þeim sem héldu framhjá konum sínum sögðust einungis 8% þeirra hafa leitað eftir kynlífi utan hjónabandsins vegna kynlífsvandamála. Þá sögðu einungis 12% þeirra ástkonu sína vera fallegri eða kynþokkafyllri en eiginkonuna.

„Karlar eru mun óöruggari með sig en þeir gefa í skyn. Þeir þrá að gera konuna ánægða og að fá staðfestingu á eigin ágæti. Þeir vilja upplifa sig sem sigurvegara og þegar þeim líður þannig heima hjá sér þá líður þeim vel. Það er þegar körlum finnst þeim vera ofaukið eða þeir vanmetnir á heimilinu sem vandamálin verða til. Það sem karlar segjast fyrst og fremst sækja til ástkvenna sinna er viðurkenning á eigin ágæti,” segir Neuman.

• 1 blogg um fréttina

Bloggað um fréttina

• Heiður Helgadóttir: Þetta er rétt