Söguðu húsið í tvennt

Hjón í Kambódíu söguðu húsið sitt í tvennt til að komast hjá því að skilnaðarmál þeirra færi fyrir dómstóla, en skilnaðarferlið fyrir dómstólum þykir víst afar flókið og tímafrekt.

Moeun Rim og Nhanh eiginkona hans skiptu húsinu í tvennt í síðasta mánuði þegar þau tóku ákvörðun um að skilja. Að sögn yfirvalda er eiginmaðurinn fluttur, og hann tók sinn hluta hússins með sér. Hinn helmingurinn er enn á sínum stað og þar dvelur konan á daginn.

Hjónin, sem eru um fertugt, ákváðu að skilja eftir að eiginmaðurinn sakaði eiginkonuna um að hún hefði ekki séð um hann á meðan hann var veikur.

Þau ákváðu að skipta jörðinni sinni í fjóra hluta. Dóttir þeirra og sonur fengu hvor sinn hlutinn og hjónin skiptu tveimur á milli sín.

Sem fyrr segir er skilnaðarferlið í Kambódíu flókið, og það getur tekið langan tíma að niðurstaða fáist. Enda hefur dómskerfið í landinu margoft verið gagnrýnt fyrir að vera spillt.

• 3 blogg um fréttina

Bloggað um fréttina

• Agnes Ólöf Thorarensen: jamm.....úr hverju.....
• Elenora Katrín Árnadóttir: Saga húsið í tvennt
• Lauja: Skilnaðir...